طريقة تشغيل ستيم أوفلاين خطوة بخطوة

الوضع الأوفلاين في ستيم يخليك تلعب ألعابك بدون ما تكون متصل بخوادم ستيم. وإذا اشتريت من ggBox حساب ستيم مشترك، هذي هي الطريقة اللي تلعب فيها. الإعداد ياخذ دقيقتين، وتسويه مرة وحدة.

قبل ما تبدأ

• سجّل دخول للحساب وأنت متصل بالإنترنت، وفعّل خيار Remember me عشان ستيم يحفظ الحساب على جهازك.
• إذا طلب منك ستيم رمز تحقق (Steam Guard)، ادخل code.ggbox.cc واكتب رقم طلبك واسم المستخدم حق الحساب، ويطلع لك الرمز.
• نزّل اللعبة كاملة.
• شغّل اللعبة أول مرة وأنت أونلاين، لأن بعض الألعاب تتفعّل في أول تشغيل. بعدها اقفلها.

الخطوات

1. افتح برنامج ستيم على الكمبيوتر.
2. اضغط على كلمة Steam في القائمة اللي فوق، على اليسار.
3. اختر Go Offline.
4. اضغط Restart in Offline Mode، وستيم بيعيد التشغيل أوفلاين.
5. افتح اللعبة من المكتبة والعب.

عشان ترجع أونلاين بعدين: Steam ثم Go Online.

مشاكل تتكرر وحلها

ستيم يقول لازم تكون متصل عشان تشغل الوضع الأوفلاين
غالباً ما فعّلت Remember me وقت تسجيل الدخول. اتصل بالإنترنت، سجّل دخول من جديد وفعّلها، وبعدها كرر الخطوات.

اللعبة تطلب تحديث
ارجع أونلاين، خل التحديث يكمل، وبعدها ارجع أوفلاين.

أبي أرجع لحسابي الشخصي
ارجع أونلاين وبدّل الحساب من Steam ثم Change Account. ولما تبي ترجع للعبة، بتحتاج تسجّل دخول من جديد، فاحتفظ بالبيانات اللي في صفحة طلبك.

ما وصلني رمز Steam Guard
الرمز ما يوصل لإيميلك، تطلّعه بنفسك من code.ggbox.cc برقم طلبك واسم المستخدم.

فيه مشاكل ثانية وحلولها في مركز مساعدة ggBox.

قواعد بسيطة

• لا تغيّر الإيميل أو الباسوورد.
• العب على جهاز واحد بس.
• لا تلعب أونلاين من الحساب.

وش يعني حساب مشترك أصلاً؟ اقرأ وش يعني حساب ستيم مشترك؟

تحتاج مساعدة؟ كلمنا واتساب على 0557752114