وش يعني حساب ستيم مشترك؟

لو أول مرة تسمع بالحساب المشترك، هذي الصفحة تشرح لك كل شي قبل ما تدفع ريال.

الفكرة باختصار

نشتري اللعبة الأصلية من ستيم على حساب خاص فينا، ونخلي كذا لاعب يستخدم هالحساب، كل واحد على جهازه وأوفلاين. بهالطريقة سعر اللعبة يتوزّع، وتلعب لعبة بـ 200 أو 300 ريال بجزء بسيط من سعرها.

اللي تشتريه منا هو مكانك في هالحساب، مو ملكية اللعبة ولا الحساب نفسه.

كيف تمشي العملية

تختار اللعبة وتدفع.
بيانات الدخول وخطوات التشغيل تطلع لك في صفحة الطلب مباشرة.
تدخل على الحساب من برنامج ستيم، تنزّل اللعبة، وبعدها تحوّل ستيم للوضع الأوفلاين وتلعب.

أسئلة تجينا كثير

اللعبة أصلية؟
نعم. مشتراة من ستيم مباشرة، وتحمّل وتتحدّث من ستيم مثل أي لعبة عندك.

يأثر على حسابي الشخصي؟
لا. تسجّل خروج من حسابك وتدخل على حسابنا، ولما تخلص ترجع لحسابك عادي.

ليش أوفلاين بس؟
لأن الحساب يستخدمه أكثر من لاعب. الأوفلاين يخلي كل واحد يلعب براحته بدون ما يأثر على الثاني. عشان كذا منتجاتنا للألعاب الفردية والقصصية، مو للأونلاين.

أقدر أشغّله على أكثر من جهاز؟
لا. الشراء الواحد لجهاز واحد.

اللعبة تشتغل على البلايستيشن؟
لا. كل منتجاتنا لأجهزة الكمبيوتر PC على ستيم.

وش يصير لو واجهتني مشكلة؟
خلال 7 أيام من الطلب، إذا البيانات ما اشتغلت أو اللعبة مو موجودة بالحساب، نبدله لك بحساب ثاني أو نرجع لك مبلغك كامل على نفس وسيلة الدفع.

عشان يبقى الضمان ساري

لا تغيّر الإيميل أو الباسوورد أو أي إعداد في الحساب.
لا تشارك البيانات مع أحد.
العب أوفلاين وعلى جهاز واحد بس.

تحتاج مساعدة؟